செலவு செய்வது எப்படி?

செலவு செய்வது எப்படி?

 

நேற்றைக்கு ஷேருச்சாமியிடம் என் அப்பாவையும் கூட்டிக்கொண்டு போனபோது என் திறமையைப் பத்தி ரொம்பவே கிண்டலாகப் பேசிவிட்டார் சாமி. அதனால் அப்பாவிடம் இருந்து எனக்கு ஓவர் அட்வைஸ்! நொந்து நூடுல்ஸ் ஆகியிருந்தேன். இன்று என்னைப் பார்த்ததுமே, ''அப்பா ஊருக்குப் போறப்ப என்ன சொல்லிட்டுப் போனாரு?'' என்றார் சாமி.

''எனக்கு பணத்தோட அருமை கொஞ்சம்கூடத் தெரியலையின்னு சொல்லிட்டாரு... அப்படி என்ன சாமி அநாவசிய செலவு பண்றேன்?''

''உங்கிட்ட சி.டி. ப்ளேயர் இருக்கா?''

''ரூம்ல இருக்கு.''

''ஐபாட்?''

''இருக்கே!''

''டிஜிட்டல் கேமரா?''

''ஓ யெஸ்!''

''செல்போன்?''

''நிறைய பாட்டு ஸ்டோர் பண்ணி கேட்கிற வசதியுள்ள 8 மெகா பிக்ஸல் கேமரா போன் இருக்கு.''

''சி.டி. ப்ளேயர், ஐபாட், மியூசிக்/கேமரா மொபைல், டிஜிட்டல் கேமரா... யோசிச்சுப் பாரு, பாட்டு கேக்கிறதுக்காக மூணு பொருள். போட்டோ எடுக்கிறதுக்காக ரெண்டு பொருள்... ஒண்ணை ஒண்ணு டூப்ளிகேட் பண்ணுதா இல்லியா?''

''போட்டு வாங்கிட்டீங்களே சாமி!''

''சரி, எவ்வளவு லோன் வெச்சிருக்க?''

''லட்ச ரூபாய் இருக்கும்--... பைக்குக்கு ஃபைனான்சில ஒரு 50,000. கேமராவுக்கு 0% வட்டியில ஒரு 10,000. ஆபீஸ்ல அட்வான்ஸ் 15,000. நண்பர்கள்ட்ட புரட்டினது ஒரு 25,000...''

''அதான், உன்னை மாதிரி சல்லிசா கடன் கிடைக்கி துன்னு கடன் வாங்கித் தள்றவனுக்கு பணத்தோட மதிப்பு தெரியவே தெரியாது! மாசச் சம்பளத்துக்குள்ளே கட்டுப்பாடா செலவு பண்ணி சேமிக்கணுமின்னு கஷ்டப்பட்டுகிட்டு வாழ்றவன்கிட்டே போய்க் கேளு... பணத்தோட அருமை தெரியும்! பணம் சேக்கணுமின்னா எத்தனை நாளாகும்; எவ்வளவு தியாகம் பண்ணணும்ன்னு சொல்வான்.''

''சரி சாமி... இவனுக்கு ஒரு சொல்யூசன் குடுங்க!'' என்றான் செல்.

''ஒரு பொருளை வாங்கும்போது ஒரு விஷயத்தை மட்டும் யோசிக்கணும். இதை வாங்குற பணத்தை நீ சேமிச்சா அது குறிப்பிட்ட நாளுக்கப்புறம் வளர்ந்து ஒரு மதிப்புல இருக்கும். அந்த எதிர்கால மதிப்பைவிட வாங்கற பொருள் இன்னிக்கு அதிக மதிப்பையோ, இல்லைன்னா அதுக்கு ஈடான உபயோகத்தையோ உனக்கு தருமான்னு பாரு. 'ஆமான்னா வாங்கு. இல்லேன்னா வாங்காதே!' செலவு செய்றதுக்கான சூத்திரம் இதுதான்!''

நான் அமைதியாக இருந்தேன்.

''உங்கப்பா, 'கிடைக்கிற சொற்ப சம்பளத்தில வாழ்க்கையில ஒரு பொருளையுமே வாங்க முடியாது போலிருக்கே'ன்னு கவலைப்பட்டுகிட்டு, செலவைப் பார்த்துப் பார்த்து செஞ்சு காசு சேர்த்திருப்பாரு. ஆனா நீயோ, 'உலகத்துல இருக்கிற அத்தனை பொருளையும் நம்ம சம்பாத்தியத்துல வாங்கமுடியலையே'ன்னு கவலைப்பட்டுகிட்டு செலவு செஞ்சுகிட்டிருக்க! இந்த மாடல் பைக், இந்த ப்ராண்ட் சட்டை, பேன்ட், இந்த டைப் ஷ¨ இதெல்லாம் போட்டாத்தான் உலகம் நம்மை மதிக்குமுன்னு ஒரு தப்பான எண்ணம் வேற உன் மனசுல இருக்கு.

வாழ்க்கையில எவ்வளவு பணம் சம்பாதிக்கிறேங்கிறது மேட்டரே இல்லை. எப்படி செலவை நிர்வாகம் பண்றேங்கிறதுதான் மேட்டர். ஏன்னா செலவைக் கட்டுப்படுத்தலேன்னா எவ்வளவு அதிகமா வரவு வந்தும் பிரயோஜனமில்லே!'' என்று முடித்தார் சாமி.

Thanks to Mr.Mohamed Sathik Emirates bank (AUH)